U più chì sò innamuraru
Hè quella di i to capelli
I to ochji tanti allegri
Scimiscenu li zitelli
Ma à dilla franca è chjara
Eo sò unu di quelli.

A dumenica da mane
Quand'è tù esci cambiata
Furesteri è paisani
Da tutti sì rimarcata
Tutt'ognugnu si dumanda
Di qual'sè la innamurata.

La mio ricca di statura
Bianca è rossa di culori
À guardati pare un fiore
À parlà incanti u core
Bellu cuntentu serà quellu
Chì cun tè ferà l'amore.

Ne vogliu scrive lu to nome
Da sopr'à tutte le stelle
In paese più ùn ne nasce
Cum'è tè belle zitelle
Furtunatu serà quellu
Chì ti metterà l'anellu,
Furtunatu serà quellu
Chì ti metterà l'anellu.


(Tony Toga)